Monthly Archives: April 2023

Die aanloop tot die Eerste Vryheidsoorlog

CH van der Grijp

Ons almal weet van die Eerste Vryheidsoorlog wat geëindig het met die slag van Majuba. Maar wat het die oorlog vooraf gegaan? En hoe vergelyk daardie tyd se gebeure met 1994 se gebeure?

Toe MW Pretorius bedank uit die Presidentsamp in 1871, het die volk die begeerte gehad om ‘n geleerde man as President te kry, want hy moet die Britse argumente op ‘n slim manier kan teëstaan.

So word Ds. Francois Burgers verkies as President. Maar Burgers was ‘n sterk voorstander van liberale godsdiens, vryheid van die individu en  inter-nasionale eenheid. Hy begin dadelik met sy ‘hervormings’ beleid, om die ZAR aanvaarbaar te maak vir die wêreld.

Klink dit nie bekend nie? John Vorster het “Klein Apartheid” afgeskaf om dieselfde rede, om Suid-Afrika aanvaarbaar te maak vir die wêreld.
Paul Kruger, ‘n Godsman, is oorgesien as moontlike President, want die volk wou die ZAR ‘n welgestelde, vooruitstrewende staat maak.

Paul Kruger het deur Burgers se wêreldse maniertjies gesien, en hy het geen geheim daarvan gemaak dat Burgers die ondergang van die jong Republiek gaan bewerkstelling nie. Paul Kruger bedank uit die Uitvoerende Raad (landsregering) in 1873 as Kommandant-generaal. Hy het eerder bedank as om deel van Burgers se hervormings-beleid te word en so die vertroue wat die volk in hom gestel het, te skaad.

Burgers was meer buite as binne die ZAR op allerlei reise. Terwyl hy juis weer op so ‘n reis was, 12 April 1877, ry Shepstone ewe rustig die ZAR binne, stryk die Vierkleur en hys die Union Jack ten aanskoue van die Volk. Shepstone was so seker van sy saak dat hy nie met ‘n militêre mag die ZAR beset nie, maar met net 25 polisiemanne. Hoe vernederend vir die nageslag van die Voortrekkers!

Net 25 jaar na die Zandrivier konfensie, waar die Afrikanervolk sy onafhanklikheid in 1852 verkry het, is hy sonder enige verset uitgelewer en onderwerp aan sy vyand.

Om teenstand te voorkom het President Burgers en die Uitvoerende Raad deur middel van agente pogings aangewend om die Transvalers tot kalmte te maan.

Twee dae voor die anneksasie is vergaderings gereël. Klink dit nie so baie na die verraad in 1994 nie?

Ene Hoffman (‘n agent), skryf aan Burgers dat die vergadering op Gatsrand goed bygewoon is, en dat hy geen moeite ondervind het om die mense tot bedaring te bring nie. Dat indien Shepstone nou enige optrede sou uitoefen, die burgers geen wapen sal opneem nie en sal wag op opdragte van die regering. Hoffman skryf dat die burgers hulle aan die bepaalde regering sal onderwerp, aangesien een daad van eie handeling tot regeringloosheid sal lei. Met hierdie vergadering, skryf Hoffman, het die gemoedere bedaar.
Daar is nog 5 sulke byeenkomste gehou om die burgers te bedaar.
Frederik Wolmarans het wel met 400 gewapende burgers gemobiliseer om Shepstone met geweld terug Kolonie toe te jaag, maar hulle is deur Burgers se Uitvoerende Raad oorgehaal om hul voorneme te laat vaar.

Die eerste opstandeling teen die Engelse regering was ‘n prokureur Van Eck, wat geweier het om sy belasting te betaal omdat hy gesê het dat dit ‘n onwettige regering is. Ses weke later het ook advokaat Fred Kleyn om soortgelyke redes geweier om sy belastings te betaal. Prokureur van Eck het blykbaar ‘n groot invloed onder die burgers gehad, omtrent ‘n maand na sy saak verhoor is, het bykans 400 burgers teen die betaling van belastings geprotesteer.

Die boere het op hulle kwitansies geskryf ‘Betaal onder dwang’. Die Landros wou die kwitansies nie aanvaar nie. Van daar af het die lydelike verset hand oor hand toegeneem. Ons weet hoe Genl. Piet Cronjé Potchefstroom gaan beset het, en van daar af het die wapen geweld begin.

Wat ons moet verstaan is dat die tyd vir die terugneem van hulle staat eers moes ryp word. Toe die tyd daar was het hulle hul vertroue op God gestel en die gelofte weer bevestig by Paardekraal. Daarna het hulle die oorlog ingegaan.

Vandag moet ons eers weer terugkeer na God deur werklik Sy Woord te ondersoek en dit te glo. Ons moet bely ons het gesondig en Hom dan dien.

 

Swart oproer… Die begin van die einde?

Die ANB voorsitter, CH van der Grijp:
gee raad wat om te doen as die swart massas begin saamdrom en afbreek…
Deur die jare in Suid-Afrika het daar ‘n stryd gewoed, tussen die wat “Een mens en een stem” en ‘n belofte van voorspoed gepropageer het, en die ander pool, diegene wat vasgestaan het daarby dat Blank Suid-Afrika aan die Afrikaner behoort. Dat die histories erkende gronde wat aan die Swartman behoort terug moet gaan na die swartman, maar ook dat alle gronde wat histories aan die witman behoort as vaderland van die Afrikaner erken word. Daardie mense het dan ook die gevare uitgewys as “Een mens een stem” ooit in Suid-Afrika aanvaar sou word: Dat die witman van alles wat heilig was gestroop sal word,  en fisies uitgemoor sal word.
Deur bedrog is die Afrikaner uitgelewer. Die bedrog was deur ‘n strikvraag en ‘n belofte in die referendum van 1992 dat daar aan die kiesers ‘n kans gegun sou word om die onderhandelde ooreenkoms tussen ANC / NP goed of af te keur, min wetend dat dit deur middel van een mens een stem sou geskied…
Elke dag sedert 1994 tot tans beleef ons dit dat die Nee-stemmers se vooruitskouing van die geskiedenis bewaarheid word
Een so ‘n vooruitskouing of vooruitsig in die geskiedenis is die van oom Jaap Marais. Hy het aangedui dat die bestel in duie gaan stort, dat dit gepaard sal gaan met geweld en dat ons daarbinne vasgevang gaan word. Die geweld sal eerstens wees, swart op swart om mag te bekom. Afrika is bekend vir staatsgrepe.
Maar oom Jaap het ook ‘n oplossing vir die gevaar gebied: Ons moet buite die bestel bly en voorsorg tref. Kies reg, bly weg. Die witman moet konsolideer en organiseer om ‘n mag buite die bestel te word. Bly buite die geweld tussen die swart organisasies, moet nie daarby ingesleep word nie, maar tref voorsorg.
Oom Jaap het ook verder die vereiste gestel: Daar sal ‘n tyd kom waar ons weer trou aanmekaar sal moet sweer, en die middele tot ons beskikking gebruik en weer ons grense trek, al sal dit ook met bloed gepaard gaan.
Oom Jaap en Willie van der Grijp het die Bittereinders Sekerheidswag begin om sodoende die volk te organiseer om homself te kan handhaaf. Na die afsterwe van Oom Jaap en met die uitdrywing van mnr Willie van der Grijp en ander behoudende Afrikaner nasionalistiese leiersfigure het dit tot ‘n einde gekom.
Die Afrikaner Nasionalistiese Beweging is die wat uit gedrywe is maar die ANB het egter ook die waarskuwings ter harte geneem en die volk bly oproep om die bestel te verwerp, en buite die bestel te konsolideer… EENDRAG MAAK MAG.
Vandag is almal in rep en roer, almal hardloop rond en bewe oor die EFF wat die land tot stilstand wil bring…. Mense wat ag geslaan het op die waarskuwings en ingeskakel is by veiligheidstrukture, word oorval met oproepe van: “Wat nou!!!”
Wat nou? Waar ek betrokke is in die beveiliging van ons mense, wat SAPD veiligheids vergaderings bywoon, word daar op elke vergadering erken dat die SAPD nie meer die vermoë het om gewone misdaad te bekamp nie. Uit die mond van generaals kom die erkenning dat as die gemeenskappe , dorps en plaaswagte nie betrokke raak by die bekamping van misdaad nie, sal die land in vlamme opgaan en georganiseerde misdaad die beheer van dorpe, stede en die land geheel oorneem. Misdaad statistieke toon elke jaar ‘n toename in misdaad op alle vlakke. Wat skrikwekkend is, is dat binne ‘n bestek van 3 jaar het die moordsyfer gestyg vanaf 50 na 60 en nou na 82 moorde per dag.
Op die vergaderings in die openbaar, sedert verlede jaar, was daar telkens erken dat daar groepe is wat organiseer om SA in geweld te laat opgaan. “SA Concerned Group” en “Team Sugar SA” is aktief besig om te organiseer om die planne tot uitvoering te bring. Mens kan verseker wees dat die groepe ook ‘n belang het in alle oproer wat beplan word in die land.
In die nuuskonferensie van 15 Maart het Malema dit duidelik gestel dat dit ‘n rewolusie is wat die 20ste begin en beklemtoon dat daar nog nooit ‘n eindtyd afgekondig is wanneer die protesaksie moet eindig nie. Wanneer al die “proteste” begin hand uitruk, kan die land in geweld opgaan. Die witman moet besef dat hy dan uitgelewer sal wees.
Die “proteste” gereël deur die EFF en ander opstokers word nou voorgehou as ‘n burgerlike protes met verskeie rolspelers en vakbond federasies. Daarmee probeer hulle die volume daarvan vergroot en hulself “verontskuldig”. Malema het gesê dat die protes sal ophou as Ramaphosa bedank. Hy het verder “gewaarsku” dat indien Ramaphosa nie bedank nie sal die leierlose rewolusie losbars wat deur talle persone geopper is, en dat Ramaphosa die verantwoordelikheid daarvoor sal dra.
Die waarskuwing en die dreigemente van anargie was voor 20 Maart daar en is steeds daar. Dan kan daar voedsel tekorte ontstaan, SA kan in duisternis gedompel word. Mense sterwe al reeds in hospitale a.g.v. ‘n staking.
Wat kan ons doen?
Die SAPD gaan u nie kan help nie,
Gaan lees dus oom Jaap se waarskuwing en oplossing hierbo.
Skakel dadelik in by die dorpswag of plaaswag of buurtwag en raak betrokke.
Tref voorsorg en bly paraat, soos vir enige noodtoestand: Voedsel , brandstof , kerse, flitse, vuurhoutjies, drinkwater, chroniese medikasie, nood rugsak met o.a. verbande en middels vir brand, skiet, steek en snywonde.
Bly weg van die gebiede waar daar geweld is, moet nie betrokke raak by die politieke spel nie. KIES REG, BLY WEG
Laat hul mekaar opvreet.
Waar die SAPD se aandag by die opstokers is, gaan hulle beswaarlik beskikbaar wees vir enige nood. Onder sulke omstandighede kan plase en plotte geteiken word deur kriminele. Wees paraat, laat ouer mense eerder by hul kinders intrek. Eerder Bang-Jan as Dooie-Jan. Onthou, u het die reg om u lewe te beskerm, die van jou vrou, kind en familie. Hiermee wil ek u nie bangpraat nie. Gerrit Maritz het die Trekkers gewaarsku toe Piet Retief nie terugkeer nie, met ‘n oproep: TREK LAER…ALMAL. Van die Trekkers het op die oproep reageer, ander het gedink Maritz gaan haal die bobbejaan agter die bult. Daardie nag was ‘n verskrikking en is die grootste massamoord in Suid Afrika, in ‘n enkele nag gepleeg.

Dus, mense: Trek laer…..

 

Lita Fourie – Haar hart vir haar volk in die Lyde en Smart

Dit is met hartseer dat ons verneem van Mev Lita Cross Fourie se afsterwe.
Oom Cross en tannie Cross het ek persoonlik leer ken ‘n maand voor hul Plaasaanval.
‘n Gebeurtenis wat Lita se hele lewe sou verander…..God het haar op ‘n pad geplaas om Sy werk te doen, daar te wees vir menige man, vrou en kind, slagoffers van plaasaanvalle. Om ook daar vertroosting te bring. Vandag staan die Witkruis Monument as spieëlbeeld van Lita Fourie se werk.  In daardie Kruise leef sy voort, in daardie mooi Witkruise het Lita berusting gevind….het sy saam gehuil, saam gevoel, soos ‘n Moeder vir haar Volk. Altyd daar.

Carel van der Grijp, Voorsitter  Afrikaner Nasionalistiese Beweging.

 

Kom in beweging en keer terug na die Woord van God

Kom in beweging en keer terug na die Woord van God

Mnr Carel van der Grijp, die voor–sitter het die ANB op die eerste vergadering in Februarie so opgeroep.

Die stryd wat op ons wag se intensiteit neem toe, maar die volk is half apaties. Die aanslae wat op ons beplan word, word elke dag gehoor op sosiale media en uitgesaai oor die radio. Maar elkeen gaan aan met sy werk om te kan lewe en te versamel vir sy oudag…

Intussen hang die dreigement van Mal-ema in die lug dat hy nie kan sê wanneer hy die bevel gaan gee om die blanke uit te wis nie. Die dreigement kom nie net van daardie geledere af nie maar ook Mbeki het gewaarsku van die leierlose revolusie wat in die land gaan losbars. Ons sien die ineenstorting van ons finansiële stelsel. Ons sien hoe ons volk afwyk van ons geloofsgrondslag. Nuwe “idees” wat van die buiteland af ingevoer word, soos groot popkonserte, word aangryp. Daarmee is ons volk ook besig om sy karakter prys te gee vir die genietinge van die wêreld.

Geneem uit die ANB se naam met die klem op “Beweging” is ons doel om ‘n stryd te bly voer, al is ons min. In ons organisasie beskerm ons die kernbeginsels van Afrikaner-nasionalisme, maar ons moet die boodskap daarvan uitdra. Ons moet ons volk laat besef dat daar hoop is.

Ons volk moet terugkeer na die Woord van God soos ons grondslag dit ook aandui. Dit is die rede hoekom ons die stryd voortsit en ook vandag vergader. Ons vergader hier om te beplan en te besin oor wat ons gaan doen in die jaar om lede bymekaar te kry en te  inspireer om saam met ons die stryd voort te sit.